नेपालगन्ज : नेपालगन्ज उप–महानगरपालिका वडा नम्बर १८ का वडा अध्यक्ष दीपक कुमार वर्माले कारकाँदो चोकमा रहेको राधाकृष्ण मन्दिरलाई आफ्नो एक महिनाको पारिश्रमिक सहयोग गरेका छन् ।

वडा अध्यक्ष वर्मालाई मन्दिर व्यवस्थापन समितिले मन्दिरको रंगरोगन र अन्य माग राखेपछि तत्काल मन्दिरलाई रंग लगाउनका लागि एक महिनाको तलब २५ हजार ७ सय ४० रुपैयाको चेक मन्दिर व्यवस्थापन समितिका अध्यक्षलाई बिहीबार हस्तान्तरण गरेका हुन् ।

यसैबीच, बिहीबार नै वडापालिकाको आर्थिक सहयोग एक लाख १५ हजार र अन्य दाताको सहयोगमा एक लाख ३९ हजारमा शुद्ध खानेपानीको फिल्टरको वडा अध्यक्ष बर्माले शुभारम्भ गरेका छन् ।