नेपालगन्ज : नेपालगन्ज उपमहानगरपालिकाले प्रधानमन्त्री रोजगार कार्यक्रमअन्तर्गतका गतिविधी अझै सञ्चालन गर्न सकेको छैन् । तर, नरैनापुर गाउँपालिका र कोहलपुर नगरपालिकाले उक्त कार्यक्रमलाई अघि बढाईसकेका छन् ।

कोहलपुरमा २ सय ७७ जना श्रमिक छनोट भएको नगरपालिका प्रमुख लुटबहादुर रावत बताउँछन् । उनका अनुसार छनोट भएका श्रमिकमा अधिकाशं महिला छन् । पुरुषको संख्या तीन जनामात्रै रहेको छ ।

उनीहरु कहिले सडक निर्माणमा पुग्छन् । कहिले नहर, ढल सफा गर्दै आइरहेका छन् । नगरमै रोजगार मिलेपछि उनीहरु उत्साही भएका छन् । नगरपालिकामा ५ हजार ५७ जनाले रोजगारीका लागि आवेदन दिएका थिए । जसमध्ये २ सय ७७ जनाले काम पाएका छन् ।

सडक ग्राभेल गर्ने, ढल सफा गर्ने, नाला बनाउने, पार्क निर्माण गर्ने, नगर सफा गर्ने र सडकमा वृक्षरोपणजस्ता काममा श्रमिक खटिएको रोजगार कार्यक्रम नगर संयोजक भद्र थापा बताउँछन् ।