नेपालगन्ज : दुई पक्षिय सम्झौता भएको एक महिनामा सक्नुपर्ने घरबारीटोलको सडक निर्माण अहिलेसम्म पनि काम नसकिदा नागरिकलाई सास्ती हुँदै आएको छ ।

नेपालगन्जको धम्बोझीदेखि बागेश्वरी मन्दिर जाने सडक निर्माणमा ठेकेदार कम्पनीले ढिलाई गर्नुका साथै नेपालगन्ज उपमहानगरपालिका उदासिन रहँदा यस्तो समस्या देखिएको हो ।

गएको बैशाख २३ गते ठेकेदार कम्पनीसँग सम्झौता भएको थियो । उक्त सम्झौतामा जेठ २५ गते काम सक्ने भनिएको थियो । तर, ठेकेदारको लापरवाही, ढिलाई र उपमहनागरपालिकाको उदासिनताकै कारण असार सकिन लागदा सम्मपनि उक्त सडक र गेट निर्माण हुन नसकेको घरबारीटोलबासी बताउँछन् ।

उक्त सडक समयमै निर्माण पुरा नहुँदा आवतजावतमै समस्या भइरहेको छ । यसले यहाँको व्यवसायिक कारोवारमा समेत प्रभाव पारेको व्यावसयी चन्द्र सुवेदी बताउँछन् ।