नेपालगन्ज : सहकारी वित्तीय विकास संस्था लिमिटेडले अपचलन भएको रकम असुलीका लागि अभियुक्तहरूका एकाघरका परिवारका सदस्यको बैंक खाता र घरजग्गा रोक्का गरिएको छ ।

सहकारीको सन्चालक समितिको बैठकले अभियुक्त मुख्य प्रबन्धक गोपाल भण्डारी र उनकी पत्नी लक्ष्मी भण्डारीको बैंक खाता र घरजग्गा रोक्कालाई पत्राचार
गरेको हो ।

पूर्वमुख्य प्रबन्धक तथा ऋण शाखा प्रमुख अरूणकुमार पाठकका ५ जनाको रोक्का गरेको छ । उनीसँगै पत्नी गुड्ी पाठक, भाइहरू अजयकुमार पाठक, विजयकुमार पाठक र अतुलकुमार पाठक रोक्का गरेको हो ।

गंगाधर सुवेदी र उनकी पत्नी नीना न्यौपानेको पनि रोक्का गरिएको छ । खजुरा शाखा प्रबन्धक सूर्यबहादुर विक र बैजापुर शाखा प्रबन्धक लीलाधर वलीको भने एकाघरका परिवारका सदस्यको बैंक खाता र घरजग्गा रोक्का गरेको छैन ।

उनीहरूले आफ्नो दायित्वमा आएको रकम फिर्ता गरेर सहकारीको प्रधान कार्यालयमा काजमा काम पनि गरिरहेका छन् । सहकारीले राष्टिूय वाणिज्य बैंक, नेपाल बैंक लिमिटेड, कृषि विकास बैंक, प्रभु बैंक, एनआइसी एशिया बैंक, माछापुच्छूे बैंक र ज्योति विकास बैंकलाई ६ असारमा पत्राचार गरेको मालपोत कार्यालय प्रमुख प्रेम दौल्यालले बताए ।

सहकारीले जग्गाको कित्ता नम्बर नदिएकाले खोजी गर्न समस्या भएको दौल्याल बताउँछन् । सहकारीले १६ पटकमा गरी एक हजार एक सय ४३ जनालाई तीन करोड ६६ लाख रूपैयाँ फिर्ता गरिसकेको छ ।

एक दिनमा कम्तीमा चार जनादेखि बढीमा एक सय ८० जनाको रकम फिर्ता गरेको सहकारीका कार्यकारी अध्यक्ष हरदेव बक्स चौधरी बताउँछन् । यसैबीच सहकारी वित्तीय विकास संस्था लिमिटेडले शनिबार डाकेको विशेष साधारणसभा गणपूरक संख्या नपुग्दा स्थगित भएको थियो । अर्को साधारणसभा एक सातापछि फेरि डाकिएको छ ।