नेपालगन्ज १३ मंसिर : आगामी मंसिर १६ गते (आउँदो आइतबार) हुने स्थानीय तहको उपनिर्वाचनका लागि आज राति १२ बजेदेखि मौन अवधि शुरु हुँदैछ । निर्वाचनलाई स्वच्छ र निष्पक्ष बनाउन आयोगले मतदानको ४८ घण्टा अघिदेखि नै मौन अवधि लागू गर्दै आएको छ ।

यो पनि पढ्नुहोस्  स्थानीय तह उपनिर्वाचन : ३८ वटा निर्वाचन अधिकृत कार्यालय स्थापना

निर्वाचनका लागि बिहीबार राति १२ बजेदेखि नै प्रचारप्रसार गर्न नपाइने गरी मौन अवधि सुरु हुने निर्वाचन आयोगले जनाएको छ । मौन अवधिमा उम्मेदवार वा अरु कसैले पनि भौतिक, सामाजिक सञ्जाल वा कुनै पनि माध्याममार्फत मत माग्न नपाउने कानूनी व्यवस्था छ । 

निर्वाचन आयोगले देशभरका स्थानीय तहका ४४ पदमा उपनिर्वाचन गर्न लागेको हो । ४४ मध्ये तीन पदमा जनप्रतिनिधि निर्विरोध निर्वाचित भइसकेकाले आईतबार ४१ पदका लागि मात्रै मतदान हुने छ ।

यो पनि पढ्नुहोस्  स्थानीय तह उपनिर्वाचन : ठाकुरबाबा–४ को अध्यक्षका लागि ६ दलको मनोनयन दर्ता

ओखलढुंगा जिल्ला समन्वय समिति प्रमुखमा काँग्रेसका टेकराज भट्टराई र कैलाली जिल्ला समन्वय समिति प्रमुखमा काँग्रेसकै टीकाकुमारी चौधरी निर्विरोध निर्वाचित भइसकेका छन् । त्यसैगरी रुकुम पूर्वको पुथा उत्तरगंगा गाउँपालिका–२ को वडाध्यक्षमा माओवादी केन्द्रका जगत घर्ती निर्विरोध निर्वाचित भएका छन् ।