नेपालगन्ज : प्रदेश नं. ६ सुर्खेत वीरेन्द्रनगर वडा नम्बर–३ स्थित होटल भिजिट रारा प्रा.लि अगाडीबाट चितुवाको छाला सहित एक जना पक्राउ परेका छन् ।

प्रदेश नम्बर पाँचको अनुसन्धान समुहले सुर्खेत एरी चोकस्थित उक्त होटल अगाडीबाट पक्राउ गरेको हो । पक्राउ पर्नेमा रास्कोट नगरपालिका वडा नम्बर ४ स्युना कालिकोटका २९ वर्षीय प्रभाकर उपाध्याय रहेको प्रहरीले जनाएको छ ।

पक्राउ परेको ब्यक्तिबाट दुई थान चितुवाको छाला बरामद गरिएको प्रहरीले बताएका छन् । पक्राउ परेका उपाध्यायलाई प्रहरी हिरासतमा राखिएको छ । उक्त चितुवाको छाला कहाँबाट कसरी ल्याइएको सो बारेमा अनुसन्धानका लागि हिरासतमा राखिएको प्रहरीले जनाएकोछ । अनुसन्धानपछी दोषीमाथि कानूनी कारबाही अघि बढाईने प्रहरीले बताएकोछ ।