नेपालगन्ज ९ असोज: मनसुन सक्रिय भएपछि बाँकेसहित सातै प्रदेशका ५६ जिल्लालाई ‘रेड अलर्ट’मा राखिएकोछ ।

यो पनि पढ्नुहोस्  आईतबारसम्म भारी वर्षा हुने

जल तथा मौसम विज्ञान विभागको मौसम पूर्वानुमान महाशाखाले बुधबार बाँकेसहित सातै प्रदेशका ५६ जिल्लामा ‘रेड अलर्ट’ जारी गरेको हो । ‘रेड अलर्ट’ले उच्च जोखिमको सम्भावनालाई जनाउँछ ।

मौसम पूर्वानुमान महाशाखाले यसअघि असोज ७ गते जारी गरेको विशेष बुलेटिनमा २७ जिल्लालाई मात्र उच्च जोखिमको सूचीमा राखेकोमा आज जारी अर्को विशेष बुलेटिनमा ५६ जिल्लालाई उच्च जोखिमको सूचीमा राखिएको छ ।

यो पनि पढ्नुहोस्  गर्मीले नेपालगन्जबासी उकुसमुकुस, मनसुन फेरि सक्रिय भयो

महाशाखाका अनुसार १९ जिल्ला मध्यम जोखिममा छन् भने हिमाली दुई जिल्ला (मुगु र हुम्ला) मात्र न्यून जोखिममा छन् ।

बंगालको खाडीबाट प्रवाह हुने जलवाष्पयुक्त वायु तथा त्यस क्षेत्रमा बनेको न्यूनचापीय प्रणालीको प्रभावका कारण नेपालमा भारीदेखि धेरै भारीसम्म वर्षा हुने प्रक्षेपण छ ।

यो पनि पढ्नुहोस्  सकिन लागेको मनसुन लम्बियो, यसपटक हिले दशैंको सम्भावना

यसबीच, धानबालीमा क्षति हुन नदिन विशेष आग्रह गरिएकोछ । यो बेला धान नकाट्न र काटिएको धानलाई सुरक्षित राख्न आग्रह गरिएकोछ ।

यो पनि पढ्नुहोस्  साताभर मनसुनी वायुको प्रभाव, धानमा क्षति पुग्ने सम्भावना