काठमाडौं। उद्योगमन्त्री गौरीकुमारी यादवले राजीनामा दिएकी छन्। देशमा ग्याँस अभाव भइरहेका बेला ‘उद्योगीहरूलाई पाता फर्काउनुपर्ने’ र ग्याँस उद्योगहरू खारेज गर्ने धम्की दिएकी उनले अर्को दिन नै राजीनामा दिएकी हुन्। 

उनले प्रधानमन्त्री बालेन शाहसमक्ष राजीनामा बुझाएको उनका सञ्चार संयोजक कमल चौलागाईंले जानकारी दिए। 

मन्त्री यादवले बुधबार संसदीय समितिमा ग्यास उद्योगीहरूलाई पाता फर्काउनुपर्ने अभिव्यक्ति दिएकी थिइन्। उनको अभिव्यक्तिप्रति उद्योगीहरूले आपत्ति जनाउँदै  प्रधानमन्त्रीसमक्ष समेत ध्यानाकर्षण गराएका थिए।