नेपालगन्ज:बडा दशैंको समयमा ट्राफिक नियमको उल्लंघन गर्ने ६ हजार ७ सय ६३ सवारी साधनलाई कारबाही गरिएको छ । 

असोज १२ देखि २४ गतेसम्मको अवधिमा प्रदेश ५ का १२ जिल्लामा ट्राफिक नियम पालना नगर्ने सवारी साधनलाई कारबाही गरिएको हो ।

बडा दशैंको अवधिमा ट्राफिक नियम पालना नगर्ने १२ जिल्लाका ६ हजार ७ सय ६३ सवारी साधनलाई कारबाही गरिएको प्रदेश ट्राफिक प्रहरी कार्यालयले जनाएको छ ।

सवारी साधनलाई गरिएको कारबाहीबाट बाट ४० लाख ६० हजार ५ सय रुपैयाँ राजस्व संकलन भएको प्रदेश ट्राफिक कार्यालय बुटवलले जनाएकोछ ।

यो अवधिमा ट्राफिक नियम उल्लंघन गर्ने सवारी साधन मध्ये मोटरसाइकल अग्रप्रक्तिमा देखिएका छन् । प्रदेश प्रहरीका अनुसार प्रदेश ५ का २ हजार ३ सय ३९ वटा मोटरसाइकल र स्कुटर कारबाहीमा परेका छन् ।

जसबाट १४ लाख ५३ हजार ५ सय रुपैयाँ राजस्व संकलन भएको छ । यस्तै, १ हजार ५२ वटा बस, १२ सय ७७ वटा जिप र कार, टेम्पो २ सय २३ वटा, ट्रक १४ सय ४९ वटा र ट्याक्टर ४ सय २३ वटा कारबाहीमा परेका थिए ।