नेपालगन्ज १३ माघ : ईलाका प्रहरी कार्यालय कोहलपुरले संरक्षित माछाका प्रजाती ८ हजार सहित तीनजालाई पक्राउ गरेकोछ ।

कोहलपुर नगरपालिका वडा नम्बर ११ बाट उनीहरुलाई पक्राउ गरिएको हो ।

ईलाका प्रहरी कार्यालय कोहलपुरबाट खटेको प्रहरी टोलीले विशेष सूचनाका आधारमा संरक्षित माछासहित उनीहरुलाई नियन्त्रणमा लिई आवश्यक कारबाही सुरु गरेकोछ ।

यस्तै ईलाका प्रहरी कार्यालय कोहलपुरको प्रहरी टोलीले नेपालगन्ज उपमहानगरपालिका वडा नम्बर २०, राँझाबाट दुई मुखे सर्प सहित एक जनालाई नियन्त्रमा लिएको ।

नियन्त्रणमा लिइएको सर्प र ती ब्यक्तिलाई आवश्यक अनुसन्धानका लागि हिरासतमा राखिएको ईलाका प्रहरी कार्यालय कोहलपुरले जनाएकोछ ।