नेपालगन्ज १५ चैत्र : बढ्दो पत्रकारिताको क्रेजलाई मध्यनजर गरि नेपाल पत्रकार महासंघ बाँके शाखाले १५ दिने आधारभूत पत्रकारिता तालिम शुरु गरेको छ ।
नेपालगन्ज उपमहानगरपालिकाको आर्थिक सहयोगमा सञ्चालित पत्रकारिता तालिमको उपमहानगरपालिका प्रवक्ता प्रमोद रिजालले शुभारम्भ गरे ।
उद्घाटन समारोहलाई सम्बोधन गर्दै नेपालगन्ज–१ का वडा अध्यक्षसमेत रहेका रिजालले पत्रकारिता तेस्रो आँखाका रुपमा रहेकोले स्थानीय सरकारले गरेका राम्रा कामलाई राम्रो र नराम्रो काममा मिडियाले खबरदारी गर्नुपर्नेमा जोड दिए ।
महासंघ बाँके शाखा उपाध्यक्ष करुणा शाहको अध्यक्षतामा सम्पन्न उद्घाटन कार्यक्रममा महासंघ लुम्बिनी प्रदेश उपाध्यक्ष शुक्रऋषि चौलागाई, महासंघका सल्लाहकार तथा प्रेस सेन्टरका अध्यक्ष डक्टप्रसाद धिताल, प्रेस चौतारी नेपाल बाँके शाखा अध्यक्ष दुर्गा रोकाय र तालिमका प्रशिक्षक अन्नपूर्ण पोस्ट् दैनिकका उप–सम्पादक शंकरप्रसाद खनालले तालिम सफलताको कामना गरेका थिए ।
तालिममा नेपालगन्जका २५ जनाको सहभागिता रहेको छ । १५ दिने आधारभूता पत्रकारिता तालिममा समाचार लेखन शीप, सवाल पहिचान, पत्रकार आचारसंहिता, सञ्चारमाध्यमको भूमिका, पत्रकार र पत्रकारिताका बहुआयामका विषयमा प्रशिक्षण गरिने महासंघ बाँके शाखाका सचिव कमल डाँगीले जानकारी दिए ।
-1739256214.JPG)
नयाँ समाचार
भेरी अस्पतालभित्र कसरी भएको थियो आक्रमण ? (सेतोखरी एक्सक्लुसिभ भिडियो )
गायक रवि ओडको स्वर तथा शब्दमा ‘टुटी सक्यो मुटु’ सार्वजनिक
अदितीको रोमान्स
