नेपालगन्ज:बझाङ जिल्ला सदरमुकाम चैनपुर नजिकै सोमबार भएको जीप दुर्घटनाबाट १० जनाले ज्यान गुमाएको घटना सेलाउन नपाउदै अर्को जीप दुर्घटना भएकोछ ।

मंगलबार दिउँसो हुम्लाको खार्पुनाथा गाउँपालिका ५ को खार्पुनाथबाट सदरमुकाम सीमकोट जाँदै गरेको लु १ ज ७१६६ नम्बरको जीप कणार्लीमा खसेकोछ ।

कर्णाली नदीमा जीप खस्दा कम्तीमा १० जना वेपत्ता भएका छन् । स्थानीय याङ्चु भन्ने स्थानमा जीप दुर्घटना भएर कर्णाली नदीमा खसेको हो ।

हुम्लाका प्रमुख जिल्ला अधिकारी ढोलक ढकालले जीपमा १० जना बढी सवार रहेको जानकारी दिँदै गाडी र यात्रुको अवस्था थाहा हुन नसकेको जानकारी दिए ।

यद्यपी नेपाली सेना, नेपाल प्रहरी, सशस्त्र प्रहरी बल र स्थानीय बासिन्दाको प्रयासमा उद्धार कार्य भइरहेकोकछ । यो समाचार तयार पारुञ्जले जीप र यात्रुको खोजी भइरहेको जनाइएको छ । घटनाको विस्तृत विवरण भने आउन बाँकीछ ।