काठमाडौ। एउटा स्कार्पियो जीप दुर्घटनामा न्यायाधीश गोकर्ण डाँगीसहित ६ जना घाइते भएका छन्। तीमध्ये एकजनाको अवस्था गम्भिर रहेको प्रहरीले जनाएको छ। 

उच्च अदालत जनकपुरको अस्थायी इजलास वीरगन्जका न्यायाधीश गोकर्ण डाँगी सवार स्कार्पियो मकवानपुरको जुराखेत नजिकै भीरमा दुर्घटना भएको हो। 

मंगलबार बिहान भएको दुर्घटनामा परेर मुख्य न्यायाधीश सहित ६ जना घाइते भएको प्रहरीले जनाएको छ।  

न्यायधीश डाँगीको पारिवारिक स्रोतका अनुसार उनिहरूलाई हेलिकोप्टरबाट काठमाडौं ल्याउने तयारी भइरहेको छ। 

घाइतेहरूलाई हेटौँडा अस्पतालमा  प्रारम्भीक उपचार गरिएको छ।  काठमाडौँबाट हेटौँडातर्फ जाँदै गरेको प्रदेश–३–००२ झ ५१८३ नम्बरको स्कार्पियो भीमफेदी गाउँपालिका–६ स्थित जुराखेतमा दुर्घटना भएको हो। गाडीमा मुख्य न्यायाधीश र अदालतका अरु कर्मचारीहरू थिए।