नेपालगन्ज : भारतको लखनऊबाट पाँच जना बालबालिकाको उद्धार गरिएको छ ।  शक्ति समूह नेपालको सहयोगमा दुई बालिका र तीन बालकलाई उद्धार गरिएको हो ।
उद्धार गरी नेपाल ल्याइएका सवै १६ वर्ष मुनिका रहेको शक्ति समूहले बताएको छ ।

उत्तर प्रदेशको राजधानी लखनऊस्थित विभिन्न होटल र कारखानामा काम गर्दै आएका बालबालिकालाई प्रहरीले उद्धार गरी त्यहाँस्थित बालगृहमा राखेको थियो ।
राजकीय बालगृह र राजकीय बालिका गृहमा रहेका बालबालिकालाई भारतीय प्रहरीको सहयोगमा नेपाल ल्याएको हो ।

बालकलाई सिविन नेपालगन्जको बालगृहमा राखिएको छ । बालिकालाई शक्ति समूहको आपतकालीन आवास गृहमा राखिएको छ ।