नेपालगन्ज ८ जेठ : बाँकेको कोहलपुर नगरपालिकाको नगर प्रमुखमा पुर्ण आचार्य र उपप्रमुखमा संगिता सुवेदी निर्वाचित भएकी छिन् ।

आचार्यले नेकपा एमालेका खिलप्रसाद भुसाललाई पराजित गर्दै कोहलपुर नगरप्रमुखमा निर्वाचित बने । यस्तै गठबबन्धनका तर्फबाट नेकपा माओवादी केन्द्रबाट उम्मेदवार बनेका नरेन्द्र न्यौपाने तेस्रो भए ।

यसैगरी नगर उप–प्रमुखमा काँग्रेसकी सुवेदीले एमालेकी अस्मिता थारुलाई पराजित गरिन् । भने गठबन्धनका तर्फबाट नेकपा एकिकृत समाजवादीकी नारायणी ओली तेस्रो भइन ।

कोहलपुर नगरप्रमुखमा विजयी पूर्णले कुल १४ हजार १३४ मत प्राप्त गरे । उनका निकटतम प्रतिद्वन्द्वी एमालेका खील प्रसाद भुसालले १२ हजार २०५ मत प्राप्त गरे । पूर्ण र भुसालबीच एक हजार ९२९ मतान्तर रहेकोछ ।
यस्तै गठबन्धनबाट उम्मेदवार बनेका माओबादीका नरेन्द्र न्यौपानेले ९ हजार ७२५ र राप्रपाका प्रदीपकुमार शाहले २ हजार ३६६ मत प्राप्त गरे ।

कोहलपुर नगर उपप्रमुखमा नेपाली काँग्रेसकी संगिता सुवेदीले १४ हजार ७३ मत प्राप्त गर्दै विजयी भइन् । उनका निकटतम प्रतिद्वन्द्वी एमालेकी अस्मिता कुमारी थारुले १३ हजार ५१७ मत प्राप्त गरिन् । संगिता र थारुबीच ५५६ मतान्तर रहेकोछ ।

यस्तै गठबन्धनबाट माओबादीकी नारायणी ओलीले ५ हजार ४२ मत प्राप्त गरिन भने राप्रपाकी साबित्री भुषालले २ हजार ५८७ मत प्राप्त गरिन् । यसअघि कोहलपुर नगरपालिकाको प्रमुखमा एमालेका लुटबहादुर रावत र उपप्रमुखमा नेपाली काँग्रेसकी सञ्जुकुमारी चौधरी विजयी भएका थिए ।