नेपालगन्ज। रुकुम पश्चिममा सोमबार बिहान भएको एउटा जीप दुर्घटनामा दुई जनाको मृत्यु भएको छ। जिल्ला प्रहरी कार्यालय रुकुम पश्चिमका अनुसार दुर्घटनास्थलमै दुईजनाको मृत्यु भएको हो। 

जिल्लाको आठबीसकोटमा उक्त दुर्घटना भएको थियो। भे १ च ३११२ नम्बरको जीप त्यहाँबाट नयाँ डाँडातिर जाँदै थियो। उक्त जीप सडकबाट ३०० मिटर तल खसेको थियो। 

दुर्घटनामा घाइते भएका अरु १३जनालाई प्रहरी र स्थानीयले उद्धार गरेका तीमध्ये गम्भिर घाइते २ जनालाई थप उपचारका लागि सुर्खेत प्रादेशिक अस्पताल लगिएको छ।