नेपालगन्ज: नेपालगन्ज उपमहानगरपालिकाबाट प्रहरीले ठूलो मात्रामा खसीबोका बरामद गरेकोछ । जिल्ला प्रहरी कार्यलय बाँके र वडा प्रहरी कार्यालय नेपलागन्जको टोलीले उक्त खसीबोका नेपालगन्ज उपमहानगरपालिका वडा नम्बर २ बाट बरामद गरेको हो ।

भारतबाट अबैधरुपमा भन्सार छलि नेपालगन्ज भित्र्याईका ६४ ओटा खसीबोका प्रहरीले नेपालगन्ज उपमहानगरपालिका वडा नम्बर २, दैलेखी बङ्गलाबाट नियन्त्रणमा लिइएको थियो । भने अबैध खसीबोका ओसारपसारमा संलग्न ब्यक्तिहरु भने भागेको प्रहरीले जनाएकोछ ।

प्रहरीले पाएको सूचनाका आधारमा जाँचबुझ गर्दा विभिन्न नाकाबाट अबैधरुपमा खसीबोका ओसारपसार गरि दैलेखी बङ्गलामा जम्मा गरिरहेको अवस्थामा प्रहरीले शुक्रबार ५ बजे ती खसीबोका नियन्त्रणमा लिएको हो । प्रहरीले बरामद गरेको खसीबोका आवश्यक कारबाहीका लागि नेपालगन्ज भन्सार कार्यालय पठाएकोछ ।