नेपालगन्ज: बाँकेको अगैयाबाट प्रहरीले ठूलो मात्रामा खसीबोका बरामद गरेकोछ ।

बुधबार बेलुका बाँके राप्ती सोनारी गाँउपालिकाको बैजापुरबाट अगैया हुदैं काठमाण्डौं लगिरहेका अबैध खसीबोका प्रहरीले आफ्नो नियन्त्रणमा लिएको हो ।

प्रहरीले पाएको सूचनाका आधारमा चेकजाँच गर्दा बाँकेको अगैयाबाट रा १ ख १०९८ नम्बरको ट्रकमा लोड गरिएका १ सय ३१ वटा अबैध खसीबोका बरामद गरेको अगैया प्रहरी चौकीका ईन्चार्ज असई प्रेमप्रसाद शर्माले सेतोखरीलाई जानकारी दिए ।

उनका अनुसार बरामद गरिएका खसीबोका ट्रकमार्फत काठमाण्डौं लगिदैं गर्दा नियन्त्रणमा लिएको हो । नियन्त्रणमा लिएको अबैध खसीबोका तथा ढुवानीमा प्रयोग गरिएको रा १ ख १०९८ नम्बरको ट्रकलाई आवश्यक कारबाहीका लागि नेपालगन्ज भन्सार कार्यालय पठाइएको बुझिएकोछ ।