नेपालगन्ज : लागुऔषध सहित महेन्द्र बहुमुखी क्याम्पस अगाडीबाट दुईजनालाई प्रहरीले नियन्त्रणमा लिएकोछ ।

सुर्खेत वीरेन्द्रनगर नगरपालिका वडा नम्बर ९ बस्ने १८ वर्षिय रोहित बुढा र कालिकोट शुभकालिका गाँउपालिका वडा नम्बर ३, भर्ता बस्ने २१ वर्षिय प्रकाश रोकयालाई प्रहरीले नियन्त्रणमा लिएको हो ।

लागु औषध नियन्त्रण व्यूरो नेपालगन्ज र सीमा प्रहरी कार्यालय जैसपुरको टोलीले नेपालगन्ज महेन्द्र बहुमुखी क्याम्पस अगाडी चेकजाँचका क्रममा सोमबार बेलुकी पौने ६ बजे उनीहरुलाई नियन्त्रणमा लिएको थियो ।

जमुनाहाबाट नेपालगन्जतर्फ संगै आउदै गरेका प्रकाश रोकाय र रोहित बुढालाई चेकजाँच गर्दा लागुऔषध बरामद भएको हो ।

प्रहरीको नियन्त्रणमा परेका रोहित बुढाले लगाएको बाँया जुत्ताको तलुवामुनी लुकाई राखेको १ पोका १ ग्राम ५ सय मिलिग्राम ब्राउन सुगर र पाईन्टको पछाडी गोजीबाट १० ट्यावलेट नाईट्राजेपाम बरामद भएपछि दुवैजनालाई आवश्यक कारबाहीका लागि नियन्त्रणमा लिइएको हो ।