नेपालगन्ज : बाँके प्रहरीले ठूलो मात्रामा चाँदीसहित एकजनालाई पक्राउ गरेको छ । भारतबाट गहनाका रुपमा थोरैथोरै गरी नेपालगन्ज ल्याइएको चाँदी बर्दिया लैजाने क्रममा पक्राउ गरिएको हो ।

नेपालगन्जको टाँगा स्टेशन नजिकबाट घुमुवा प्रहरीले चाँदी र मान्छेलाई नियन्त्रणमा लिएका थिए । चाँदीका गहनासहित सुभाष गुप्ता पक्राउ परेको बाँके प्रहरीले बताएको छ ।

नेपालगन्जको देवाफूलबारीमा भाडामा बसेका गुप्ता पाँच किलो ४ सय ९५ ग्राम चाँदीका गहना लिएर बर्दिया जान निस्किने बेलामा प्रहरीले उनलाई नियन्त्रणमा लिएको बाँके प्रहरी प्रमुख एसपी बीरबहादुर ओलीले बताए ।