नेपालगन्ज: बाँकेको कोहलपुरमा भयानक सडक दुर्घटना भएको छ । कोहलपुर न्यूरोडस्थित गोलपार्कमा अटो रिक्सा दुर्घटना हुँदा चालक घाईते भएका छन् । न्यूरोड चोकदेखि मेडिकल कलेजतर्फ जाँदै गर्दा भे १ ह ६६५ नम्बरको अटो दुर्घटना भएको हो ।

न्यूरोड चोकमा अर्को अटोलाई ठक्कर दिएर भाग्दै गरेको अवस्थामा गोलपार्क नजिकै भयानक दुर्घटनामा परेको प्रत्यक्षदर्शीले बताएका छन् ।

दुर्घटनामा परी शाही थरका अटो चालक गम्भीर घाईते भएको र उनलाई उपचारका लागि नेपालगन्ज मेडिकल कलेज शिक्षण अस्पताल कोहलपुर लगिएको प्रहरीले जनाएको छ । घाईतेको दुबै हातमा चोट लागेको छ भने अटो पूर्ण रुपमा क्षतीग्रस्त भएको छ ।