नेपालगन्ज: बाँके र बर्दियामा पछिल्लो समय बलात्कारका घटना सार्वजनिक हुन थालेका छन् । यसरी सार्वजनिक भइ जिल्ला प्रहरीमा दर्ता भएका दर्ता भएका बलात्कारका अधिकांश मुद्दा असफल भएका छन् ।

प्रहरीमा प्रेमिकाले प्रेमीविरुद्ध मुद्दा दर्ता गराएको पाइएको समेत जिल्ला प्रहरी बाँकेका प्रहरी निरीक्षक दीपक मल्ल बताउँछन् । ‘पहिले सहमतिमा भएका सम्बन्धलाई पनि केहीले बलात्कारका रूपमा मुद्दा दर्ता गरेको पाइएको प्रहरी नै बताउँछ ।

बलात्कार र बलात्कार प्रयास भएको जाहेरी आएपछि फर्काउन मिल्दैन,’ उनले भने,‘केही मुद्दाको अनुसन्धान गर्दै जाँदा बलात्कार नभई अर्कै कारण भएको भेटिन्छ ।’
सहमतिमा सम्बन्ध राख्ने र पछि विभिन्न माग राख्दा पूरा नभएका कारण मुद्दा दर्ता हुने गरेको पनि भेटिएको छ ।

बाँके र बर्दियामा रहेको स्वास्थ्य संस्थामा आवश्यकता अनुसारका जनशक्ति र स्रोत साधनको अभावमा यौनजन्य दुव्र्यवहारका घटनाको स्वास्थ्य जाँच रिपोर्ट दिन सहज छैन् ।

स्वास्थ्य रिपोर्टकै कारण कतिपय त्यस्ता मुद्दाको परिणाम फरक पर्दै आएका छन् । परम्परागत तरिकाले स्वास्थ्य जाँच गर्नु परिरहेको चिकित्सक बताउँछन् । यहाँका स्वास्थ्य संस्थामा बलात्कार पीडितको स्वास्थ्य जाँच गर्नका लागि ल्याब छैन् । सुनियोजित तरिकाले घटाइएका यौनजन्य घटनाबाट पीडितको स्वास्थ्य जाँच गर्न समस्या हुने भेरी अस्पतालका डाक्टर बद्री चापागाईं बताउँछन् ।

उनका अनुसार यस्ता विविध कारणले यौन दुव्र्यवहारका घटनामा एकिनका साथ रिपोर्ट दिन सक्ने अवस्था छैन ।प्रहरीका अनुसार गएको आर्थिक वर्षमा बाँकेमा ६ र बर्दियामा चार महिला जबर्जस्ती करणीमा परेका थिए ।

बाँकेमा बलात्कार ५६ र बलात्कार प्रयास ४ गरी ६० मुद्दा दर्ता भएका छन् । यस्ता मुद्दा संवेदनशील भएकाले प्रहरीमा आउनेबित्तिकै दर्ता हुने गरेका छन् । बर्दियामा गत वर्ष बलात्कार २९ र जबर्जस्ती प्रयास १४ र बाल यौन दुव्र्यवहारका १ गरी ४४ मुद्दा दर्ता भएका थिए ।