नेपालगन्ज: कोहलपुर नगरपालिकाले सार्वजनिक गरेको नतिजामा श्रीमतीको नाम नपरेको भन्दै एक युवाले कोहलपुर नगरपालिकामा तोडफोड गरेका छन् ।

कोहलपुर नगरपालिका अन्तर्गत नगर स्वास्थ्य शाखाले शुक्रबार कार्यालय सहयोगी पदको नजिता सार्वजनिक गरेको थियो । सोही पदका लागि कोहलपुर ८ हवल्दारपुरकी एक महिलाले आवेदन दिएकी थिईन । तर, नजिता प्रकाशन गर्ने क्रममा उनको नाम ननिस्कीएको भन्दै महिलाका श्रीमान तिलक विश्वकर्माले नगरपालिका कार्यालयमा तोडफोड गरेका हुन ।

शनिबार नजिता हेर्न नगरपालिका पुगेका विश्वकर्माले प्रकाशित नतिजामा श्रीमतीको नाम नदेखेपछि सूचना पाटीमा तोडफोड गर्नुकासाथै गमला तथा झ्यालमा समेत क्षती पु¥याएको नगरपालिका कार्यालयले जनाएको छ ।

स्थानीय नेताहरुले कार्यालय सहयोगी पदमा नाम निकालिदिने आश्वासन दिदैं आएको भएपनि अन्तिम नतिजामा श्रीमतीको नाम नपरेपछि आक्रोशित भएका विश्वकर्माले नगरपालिका कार्यालयमा तोडफोड गरेको खुल्न आएको छ ।

घटना लगत्तै कोहलपुर प्रहरीले विश्वकर्मालाई नियन्त्रणमा लिएको छ । ईलाका प्रहरी कार्यालय कोहलपुरका अनुसार विश्वकर्मालाई सार्वजनिक अपराध अन्तर्गत कारवाही प्रक्रिया अगाडी बढाईएको बताएको छ ।