नेपालगन्ज: बाँसगढी सव डिभिजन वन कार्यालयका सहायक वन अधिकृत १० हजार घुस रकम सहित पक्राउ परेका छन् ।

पक्राउ पर्नेमा बाँसगढी सव डिभिजन वन कार्यालय बर्दियाका सहायक वन अधिकृत अनिल कुमार गुप्तालाई घुस रकम सहित रंगेहात पक्राउ गरिएको हो ।

अख्तियार दुरुपयोग अनुसन्धान आयोगको कार्यालय बुटवल, सम्र्पक कार्यालय नेपालगन्जले शुक्रबार उपभोक्ता समितिको काठ मिलमा चिरान सिफारिस गरेवापत सेवाग्राहीबाट १० हजार घुस लिदैं गर्दा उनलाइ नियन्त्रणमा लिइएको हो ।

नेपालगन्ज स्थित आयोगको सम्पर्क कार्यालयबाट गएको टोलीले सेवाग्राहीबाट घुस लिईसकेको अवस्थामा गुप्तालाई पक्राउ गरिएको अख्तियारका सूचना अधिकारी लोकमणी पाण्डेद्वारा जारी विज्ञप्तीमा उल्लेखछ ।

बाँसगढी नगरपालिका वडा नम्बर ७ देउडाकलाबाट रंगेहात पक्राउ परेका गुप्तालाई थप कारवाहीका लागि नेपालगन्ज ल्याईएकोछ ।