नेपालगन्ज १७ साउन : राष्ट्रिय परिचयपत्रको फोटो खिच्दा अबदेखि आफ्नो संस्कृति र जातीय पहिचान झल्कने पहिरन लगाउन पाइने भएको छ ।

राष्ट्रिय परिचय तथा पञ्जीकरण विभागले राष्ट्रिय परिचयपत्रमा आफ्नो संस्कृति र जातीय पहिचान जनाउने पहिरन लगाएको फोटो राख्न कुनै बाधा नरहेको स्पष्ट पारेको हो ।

यसअघि सिन्दूर पोते र टिका समेत हटाएर फोटो खिच्न लगाइएको भन्दै आलोचना भएपछि पञ्जीकरण विभागले यसअघि बन्देज हटाएको हो ।

विभागले सबै जिल्ला प्रशासन कार्यालय, इलाका प्रशासन कार्यालय, राष्ट्रिय परिचयपत्र इकाई रहेका सबै र राष्ट्रिय परिचयपत्र इकाइलाई ४ बुँदे निर्देशनसमेत जारी गरेको छ ।