नेपालगन्ज: सिटिजन्स बैंक नेपालगन्जका प्रमुख विवेक श्वाँरको मृत्यु भएकोछ । हृदयघात भएर भेरी अस्पताल ल्याइएका स्वाँरको उपचारका क्रममा मृत्यु भएको हो ।

मुटु रोग सम्बन्धि पीडित रहेका स्वाँरलाई हृदयघात भएपछि उपचारका लागि उनका भाइहरुले भेरी अस्पताल ल्याएको थिए । अस्पतालमा ल्याइएका स्वाँरको उपचारका क्रममा आईतबार राती साढे ९ बजे मृत्यु भएको जिल्ला प्रहरी कार्यालय बाँकेले जनाएकोछ ।

प्रहरीका अनुसार मृतक स्वाँर मुटु रोग सम्बन्धि पीडित थिए ।

सिटिजन्स बैंकमा दिनभर ब्यस्त रहेका स्वाँर आईतबार अबेर बेलुका ६ बजे कार्यालयबाट घर गएको प्रहरीले जनाएकोछ । घर गएका स्वाँर एक्कासी हृदयघात भएर अस्पताल भर्ना भएका थिए ।

सिटिजन्स बैकमा नक्कली सुन धितो राखेर बैंकलाई करोडौं ठगी गरेको अभियोगमा उनी पनि दोषि देखिएपछि मानसिक तनावमा रहेका स्वाँरको हृदयघातबाट मृत्यु भएको जिल्ला प्रहरी कार्यालय जनाएकोछ ।

स्वाँर बैंकिङ्ग कसुर अन्र्तगत मुद्दा भोगिरहेका थिए । साउन ८ गते २५ लाख धरौटीमा छुटेका स्वाँर ठिक एकमहिनापछि भाद्र ८ गतेका दिन उनको मृत्यु भएकोछ ।

उपचारका क्रममा मृत्यु भएका स्वाँरको शवलाई आईतबार नै उनको परिवारले बुझेर घर लगेको जिल्ला प्रहरी कार्यालय बाँकेले जनाएकोछ ।