नेपालगन्ज १२ असोज : धादिङको धुनिबेसी नगरपालिका स्थित नौबिसेमा पहिरो खसेर एउटा बस र दुई वटा साना सवारीसाधन पुरिएका छन् । 

पहिरो खसेर ३ वटा सवारी पुरिएको जिल्ला प्रहरी कार्यालय धादिङले जनाएकोछ ।

पहिरोमा परि सवारी साधन पुरिएको भएपनि मानवीय क्षति भएको छैन । 

इलाका प्रहरी कार्यालय खानीखोलाका इन्स्पेक्टर सिताराम विष्ट नेतृत्वको टोली घटनास्थलमा पुगेको छ । पहिरो खस्नुअघि नै बस र अरु दुईवटा सवारीमा रहेका यात्रु झरेका थिए ।