नेपालगन्ज १६ असोज : बाँके प्रहरीले ९९ सय ग्राम लागुऔषध ब्राउन सुगरसहित दुईजनालाई नियन्त्रणमा लिएको छ । 

जिल्ला प्रहरी कार्यालय बाँकेका अनुसार नेपालगन्ज उपमहानगरपालिका वडा नम्बर–२० राँझाबाट लागु औषधसहित उनीहरुलाई नियन्त्रणमा लिइएको हो । 

लागुऔषध नियन्त्रण व्यूरो महेन्द्रनगर, कञ्चनपुर, लागुऔषध नियन्त्रण ब्यूरो नेपालगन्ज र जिल्ला प्रहरी कार्यालय बाँकेको संयुक्त टोलीले ९९ सय ग्राम लागुऔषध ब्राउन सुगरसहित उनीहरुलाई नियन्त्रणमा लिएको हो । 

नेपालगन्ज राँझा स्थित लालचन्द्र कामीको डेराकोठामा खानतलासी गर्नेक्रममा भारत रुपैडिहा बस्ने राहुल शुक्ला र कामीलाई नियन्त्रणमा लिइएको बाँके प्रहरी प्रमुख एसपी तुलबहादुर कार्कीले जानकारी दिए । 

कामीको डेराकोठामा रहेका शुक्लाले लगाएको पाइन्टको दायाँ खल्तीमा प्लाष्टिकको दुई पोका पारी राखेको अवस्थामा ब्राउन सुगर र एक थान डिजिटल तराजुसहित प्रहरीले नियन्त्रणमा लिएको हो । प्रहरी नियन्त्रणमा रहेका उनीहरुमाथि आवश्यक कानूनी कारबाही अघि बढाइएकोछ ।