नेपालगन्ज : बाँके प्रहरीले गाँजा फडानी अभियानलाई तिव्रता दिएकोछ । यतिवेला नेपाल प्रहरीको लागू औषध ओसारपसार नियन्त्रण
ब्यूरोको टोलीले जिल्लाका विभिन्न स्थानमा आफै उम्रिएका गाँजा नष्ट गरिरहेको छ ।

सोही अभियान अन्र्तगत बाँकेको राप्तीसोनारी गाँउपालिका वडा नम्बर–७, भेलौनिया क्षेत्रमा आफै उम्रिएका गाँजा प्रहरीले नष्ट गरेको हो । सो क्षेत्रका सडकछेउको बाँझो जमिनमा उम्रिएका गाजालाई प्रहरीले विहीबार नष्ट गरेको जनाएकोछ ।

राप्ती सोनारी गाउँपालिका वडा नम्बर ७, भेलौनिया क्षेत्रमा रहेको गाँजा प्रहरी सहायक निरीक्षक प्रेमबहादुर अधिकारीको नेतृत्वको टोलीले नष्ट गरेको हो । सो क्षेत्रमा प्रहरीले केही दिनदेखिनै गाजा नष्ट गरिरहेको छ ।

राप्ती नदी आसपासका बाँझो जमिनमा गाजा उम्रिएका छन् । यद्यपी ती गाँजा भने कसैले नरोपी आफै उम्रिएको हो । अहिले झाँगिएको गाँजा असोज–कात्तिकमा तयार हुन्छ ।

लागुऔषध ओसारपसार नियन्त्रण ब्यूरो नेपालगन्जका प्रमुख बीरबहादुर थापाले गाँजा फडानीको कार्य बाँकेमात्रै नभएर देशव्यापी रुपमै प्रहरीले अभियन नै चलाएको बताए । उनले भने बाँकेमा गाँजा खेती हुदैन, आफै अम्रिएका हुन् । तर, पनि यस्ता गाँजाको जोखिमतालाई मध्यनजर गर्दै फडानी गरिरेहेको बताए ।

बाँकेको फत्तेपुर, भगवानपुर लगायत ठाउँमा गाँजा आफै उम्रिनेगरेकोछ । बाँकेमै प्रहरीले गत वर्ष मानखोला आसपासका क्षेत्रमा उम्रिएका ठूलो मात्राको गाजा नष्ट गरेको थियो ।

लागुऔषध प्रयोगकर्ता तथा यसका कारोबारीका पछिल्ला घटनाले बाँके जिल्ला लागुऔषधको केन्द्रविन्दु मानिन्छ । पहाडी जिल्लामा उत्पादन हुने चरेश र भारतबाट भित्र्याइने ब्राउनसुगरको केन्द्रविन्दु नेपालगन्ज हो ।

लागुऔषधको केन्द्रविन्दु भएपनि गाँजा उत्पादनमा भने बाँके पछाडी रहेको छ । यहाँ व्यवसायिक खेती गरेको पाइदैन । आफै उम्रिएको गाजाको फाइदा भने लिने गरिन्छ ।

प्रहरीले लागु औषध ओसारपसारमा कडाई गरेपनि लागुऔषध कारोबारी र सेवनकर्ता पनि उत्तिकै बढीरहेकाछन् । दिनहुँजसो जमुनाहा नाकामा लागु औषधसहित कारोबारीलाई प्रहरीले आफ्नो नियन्त्रणमा लिने गरेकोछ ।

खुला सीमानाको भरपुर फाइदा उठाउदै लागुऔषध ओसारपसार हुने नेपाल–भारत सीमानाकामा प्रहरीले केही महिना अघि मात्र लागुऔषध सम्बन्धि विज्ञ कुकुरको सहारामा निगरानी बढाएको थियो ।

विज्ञ कुकुरको सहारामा प्रहरीले सीमानाकाबाट लागुऔषधसहित कारोबारी र सेवनकर्तालाई नियन्त्रणमा लिएको थियो । तर, लागुऔषध ओसारपसार तथा नियन्त्रणमा प्रहरीले तदारुक्ता देखाएपनि लागुऔषध ओसारपसारमा भने कमी आएन ।

यस्तै नेपालगन्ज उपमहानगरपालिकामा एक हजार १ सय ९७ लागुऔषध दुव्र्यसनी छन् । लागुऔषध दुव्र्यसनविरुद्ध क्रियाशील विभिन्न सात संस्थाले यसअघि गरेको प्रारम्भिक सर्वेक्षणअनुसार यति दुव्र्यसनी फेला परेको हुन् ।

उपमहानगरपालिकाभित्र लागुऔषध प्रयोगकर्ताको वर्तमान अवस्था यकिन गर्न नगरका २३ वटै वडाका जोखिमपूर्ण ४२ वटा स्थान छनोट गरी गरिएको प्रारम्भिक सर्वेक्षणमा नगर क्षेत्र लागुऔषधको उच्च जोखिममा रहेको र एक हजार १ सय ६३ पुरुष र ३४ महिला लागुऔषधको दुव्र्यसनीमा रहेको छ।

तीमध्ये मुखबाट सेवन गर्ने एक हजार १२५, सुँघने ६३ र सुईंको माध्यमबाट लागुऔषध प्रयोग गर्ने नौ जना छन् । तथ्याङ्कअनुसार सबैभन्दा धेरै १६ देखि ४९ वर्ष उमेर समूहका एक हजार तीन, १२ वर्षमुनिका ६४ र ५० देखि ६१ वर्ष उमेर समूहका १३० छन् ।

लागुऔषध प्रयोगकर्तालाई यसको उपचार हुन्छ भन्ने जानकारी भए पनि हालसम्म २५० जनाले मात्र उपचार गर्दै आएको सर्वेक्षणमा जनाइएकोे छ । यो कूल संख्याको २० प्रतिशत मात्रै हो ।