नेपालगन्ज १ मंसिर : नेपालगन्जमा ६५ करोडको लागतमा स्टार पोलीपाईप इन्डष्ट्रिज प्रालिको शनिबार उद्घाटन गरिएको छ । नेपालगन्ज उप–महानगरपालिका वडा नम्बर–१८ मा रहेको स्टार पोलीपाईप इन्डष्ट्रिज प्रालिको शनिबार उद्योग बाणिज्य तथा आपूर्ति मन्त्री दामोदर भण्डारीले उद्घाटन गरे । 

उद्घाटन गर्दै मन्त्री भण्डारीले निर्यातमुखी उद्योग तथा कलकारखानालाई सरकारले आवश्यक सहयोग गर्ने प्रतिवद्धता जनाए । उनले स्टार पोलिपाइपलाई लुम्बिनी प्रदेशमा मात्रै नभएर नेपालभर तथा भारतसम्म पनि उत्पादित सामाग्रीको बजारीकरण गर्न सकिने विश्वास ब्यक्त गरे ।

प्राधिकरणका अध्यक्ष कमल कार्कीले करिब ६५ करोडको लागतमा एचडीपीई, एसआईपीबी, युपीबी, बोरवेल र गार्डेन पाइप तथा फिटिङ उत्पादन भइरहेको जानकारी दिए ।

कार्कीले बजारमा आर्थिक मन्दी भए पनि स्टार पोलिपाइपबाट अत्याधुनिक उपकरणसहित गुणस्तरीय सामग्री उत्पादन गर्दै आएको बताए ।

कम्पनीले जापान र दक्षिण कोरियामा उत्पादित उत्कृष्ट कच्चा पदार्थबाट सिपिसिभी, युपिभिसी पाईप तथा फिटिङहरु उत्पादन गर्दै आईरहेको कम्पनीका बिक्रि प्रमुख दिनेशराज विष्टले जानकारी दिए ।