बेनी: बेनी–जोमसोम सडक अवरुद्ध भएकोछ । जोमसोम सडकखण्डमा पहिरो जाँदा यातायात अवरुद्ध बनेको हो ।

सो सडकखण्ड अन्तर्गत मुस्ताङको थासाङ गाउँपालिका–४, घोप्टेभिरमा पहिरोले सडकमा क्षति पुगेपछि यातायात अवरुद्ध बनेकोछ ।

सडक अवरुद्ध बनेपछि बेनी–जोमसोम सडकमा आवतजावत गर्ने सवारी साधन बीच बाटैमा रोकिएका छन् । जसका कारण मुस्ताङ भ्रमणमा गएका र जाने पर्यटक, तीर्थयात्री र सर्वसाधारणले सास्ती भोग्नुपरेकोछ ।

आईतबार विहान घोप्टेभीरमा पहिरोले सडकको करिब १३ मिटर सडकको आधार नै भत्काएकोछ ।

सडक भत्किएपछि यतिवेला डोजरको सहायताले सडक मर्मतको तयारी गरिएको बेनी–जोमसोम कोरला सडक आयोजनाका सुपरभाइजर इन्द्रसिङ शेरचनले जानकारी दिए ।

पहिरोका कारण भत्किएको सडक सुचारु गराउने गरि मर्मतको काम अघि बढाइएको उनी बताउँछन् ।