नेपालगञ्ज। रुकुमपश्चिममा एउटा जीप दुर्घटना हुँदा दुई जनाको मृत्यु भएको छ। आइतबार बिहान ८ बजे सानीभेरी गाउँपालिका–६ कोट बाट खलङ्गा जाँदै गरेको लु१च ६०२९ नम्बरको डबल क्याप जिप भीरबाट झन्डै १०० मिटर तल खसेको थियो।

प्रहरीका अनुसार दुर्घटनामा जीपका चालक र जीपमा रहेकी अर्की एकजना महिलाको घटनास्थलमै मृत्यु भएको हो। जिल्ला प्रहरी कार्यालय रुकुम पश्चिमका अनुसार मृत्यु हुनेमा त्रिवेणी गाउँपालिका–रुघाका चालक सुन्दर खड्का मगर र सानीभेरी गाउँपालिका–६ की अन्दाजी १५–१६ वर्षीया प्रेमकला पुन रहेका छन्।

त्यसमा ९ जना घाइते भएका छन्। जसमध्ये चारजना गम्भिर घाइतेहरूलाई हेलिकोप्टरबाट सुर्खेत लैजाने तयारी भइरहेको छ।