काठमाडौं। बर्दियामा गुडिरहेको माइक्रोमा आगलागी भएको छ।

बर्दियाको सडकमा गुडिरहेको इलेक्ट्रिक माइक्रोमा आगलागी भएको छ। गुडिरहेकै अवस्थामा गाडीबाट धुँवा निस्किएपछि चालकले सडकमै गाडी रोकेका थिए। 

प्रहरीका अनुसार बर्दियाको बारबर्दिया नगरपालिका-७ रम्मापुर ५ नम्बर चोकमा उक्त गाडी जलेको हो। कोहलपुरबाट कैलाली जाँदै गरेको सु.प.प्र ०१-००२ ज ४३३ नम्बरको उक्त माइक्रोमा आगलागी हुँदा मानवीय क्षति भने भएन। 

प्रहरीका अनुसार उक्त माइक्रोमा यात्रुहरू थिएनन्। त्यसमा चालक र सहचालकमात्रै रहेका थिए। माइक्रोमा रहेका कागजपत्र र नगद ४२ हजार रुपैयाँ पनि जलेको छ। 

प्रहरीले दकमल प्रयोग गरेर आगो निभाएको थियो। आगलागीका कारणबारे प्रहरीले थप अनुसन्धान भइरहेको जनाएको छ।