नेपालगन्ज। नेपाली काँग्रेसको १५ औं महाधिवेशन अन्तर्गत भएको निर्वाचनको मतगणना अझै सकिएको छैन। निर्वाचन भएको ३ दिन बितिसक्दा अहिलेसम्म सहमहामन्त्रीहरूको समेत अन्तिम परिणाम आउन सकेको छैन। 

अझै केन्द्रीय सदस्यहरूको मतगणना सुरु भएकै छैन। काँग्रेस निर्वाचन समितिले मंगलबारदेखि मात्रै केन्द्रीय सदस्यहरूको मत गणना सुरु हुनसक्ने बताएको छ। निर्वाचन समितिका सदस्य तथा अधिवक्ता राजु कटुवालका अनुसार २३ वटा मतगणना स्थलहरूबाट मतगणना कार्य भइरहेको छ।

२३ वटा मतगणना स्थलहरूमा ७ हजार ३९ जना महाधिवेशन प्रतिनिधिहरूको मत गणना भइरहेको छ। यस प्रक्रियामा करिब १ लाख ८४ हजार मतपत्रहरूको गणना सम्पन्न गर्नुपर्ने छ। क्लस्टरहरू धेरै भएका कारण मतगणना प्रक्रिया झन्झटिलो पनि भएको छ। 

उनका अनुसार नेपाली जनसम्पर्क समितिको ९ स्थानमा, आदिवासी जनजाति समूहको ३ स्थानमा, सह–महामन्त्री ९महिला र खुला० ४ स्थानमा, पिछडिएको क्षेत्रको २ स्थानमा मत गणना भइरहेको छ। 
अघिल्लो महाधिवेशनमा मतगणना सक्न १२ दिन लागेको थियो।