बुटवल: अज्ञात समूहको गोली लागि एक जनाको मृत्यु भएकोछ ।

रुपन्देहीको रोहिणी गाउँपालिका वडा नम्बर–३, मा आईतबार अज्ञात समूहको गोली लागेर महेन्द्र कुर्मीको मृत्यु भएकोछ ।

जिल्ला प्रहरी कार्यालय रुपेन्देहीका अनुसार ओमसटिया–४, का ३७ वर्षीय महेन्द्र कुर्मीको मृत्यु भएको हो ।

गोली कसले र किन चलायो भन्ने खुल्न नसकेको र घटनाबारे अनुसन्धान भईरहेको रुपन्देही प्रहरीका एसपी हृदय थापाले बताउछन् ।

स्थानीयले भने कुर्मी बैंकबाट रकम निकालेर आउँदै गर्दा बाइकमा आएको डाँकाको समूहले गोली हानेको दाबी गरेका छन् ।

बैंकबाट पैसा निकालेर घरतर्फ आउँदै गरेका कुर्मीलाई पच्छाउँदै आएको समूहले गोली हानेर ५ लाख रुपैयाँ लुटेको रुपन्देही प्रहरीका एसपी हृदय थापा बताउछन् । 

उनीहरुले कुर्मीसँग भएको रकम पनि लुटेको स्थानीयले बताएका छन् । प्रहरीले डाँका समुहबारे खुलाएको छैन् । रुपन्देहीको रोहिणी क्षेत्र जिल्ला लुटपाट हुने स्थानमा पर्दछ ।