नेपालगन्ज : बाँकेमा नक्कली लोकल कुखुराको बिगबिग मच्चिएको छ । बोइलर कुखुराको चल्लालाई कालो मेहन्दी लगाएर ‘लोकल’ भन्दै महंगोमा विक्री गर्ने समूह सक्रिय भएपछि बाँकेका विभिन्न क्षेत्रमा यस्तो बिगबिगी मच्चिएको हो ।

यसरी बोइलर कुखुकरालाई मेहँन्दी लगाएर लोकल बनाई बिक्रि गर्दै आएका भारतीय नागरिकलाई ईलाका प्रहरी कार्यालय कोहलपुरले शुक्रबार पक्राउ गरेको छ ।

सेतो चल्लामा कालो मेहन्दी लगाउँदै गर्दा कोहलपुरमा भारत रामपुरका मोहमद नाजिर र सरिफ अलीलाई पक्राउ गरेको इप्रका कोहलपुरका डिएसपी हेमबहादुर शाही बताउँछन् ।

कालो मेहन्दी लगाउँदै गरेको र लगाइसकेको गरी सयवटा जति चल्ला बरामद गरेको उनी बताउँछन् । बोइलरको भन्दा लोकल वा गिरिराजको चल्ला महगोमा विक्री हुनेरहेछ उनले भने ‘ आफ्नो फाईदाका लागि गलत काम गर्नेलाई पक्राउ गरेका छौं ।’

उनले थपे ‘अनुसन्धान जारी छ दोषी देखिए कानून अनुसार कारवाही हुन्छ ।’