नेपालगन्ज:बाँकेको खजुरा गाउँपालिका–२, सीगाउँ नजिक भेटिएको शवको पहिचान हुन सकेकोछैन ।

सीगाउँ नजिक किरणनाला पुल नजिकैको पोखरीमा सोमबार एक पुरुषको शव भेटिएको थियो । किरणनालाको पुलदेखि केही पूर्व रहेको सो पोखरीमा डुवेर मृत अवस्थामा शव भेटिएको हो ।

प्रहरीका अनुसार कालो वर्ण देखिने अन्दाजी २५–२६ वर्षका ती युवकको सनाखत हुन सकेकोछैन ।

पोखरीमा वेवारिसे अवस्थामा भेटिएको शव देखे लगत्तै वडा सचिव ताराप्रसाद अधिकारीले प्रहरीलाई खबर गरेको बताए ।

यसैबीच जिल्ला प्रहरी कार्यालय बाँकेका प्रहरी प्रवक्ता समेत रहेका प्रहरी नायव उपरीक्षक शिवबहादुर सिंहले घटनाको जानकारी आउने वित्तिकै ईलाका प्रहरी कार्यालय धनौलीबाट प्रहरी निरीक्षकको कमाण्डमा टोली परिचालित भएको जनाए ।

यो समाचार तयार पार्दासम्म शवको पहिचान हुनसकेको छैन ।