नेपालगन्ज: गाईको महीमा हिन्दु धर्म र सनातन संस्कारमा अत्यन्त महत्पवूर्ण र मातृसम्मान रूपमा गरीन्छ । गौदान अर्थात गाईको दानलाई सबैभन्दा पूण्य दिने दानहरूसँग तुलना गरिन्छ ।

गौहत्या सनातन धर्ममा एउटा घृणीत अनि निकृष्ट दानवीय पाप हो । तर, बाँकेको रनियापुरमा दैनिकजसो गाई काटेर गाईको मासु बिक्रि वितरण हुँदै आएको छ । यसको रोकथाम तथा नियन्त्रणमा बाँके प्रहरी विगतदेखि नै उदासिन देखिएको छ ।

बाँकेको रनियापुरमा काटिने गाईको मासु स्थानीय गाउँमा मात्रै नभई नेपालगन्जका साना, मझौला देखि ठूला होटलहरूमा समेत बिक्री वितरण हुँदै आएको छ ।

नेपालगन्जका अधिकांश होटलहरूले खसी र रागाँको मासुमा गाईको मासु मिसावट गरि बिक्री गर्ने गरेका छन् । मःम पसलमा पनि खसी, राँगाको मःममा गाईको मासु मिसाएर मःम बिक्री गर्ने गरेको भेटिएको प्रहरी नै बताउँछ ।

प्रहरीका अनुसार करिब दुई वर्षअघि नेपालगन्जका विभिन्न होटलमा गाईको मासु भेटिएको थियो । अहिले पनि यहाँका होटलमा खसी, रागाँसँगै गाईको मासु पनि बिक्रि हुँदै आएको खुलेको छ ।

गाई नेपालको राष्ट्रिय जनावर मात्रै होइन यहाँका बहुसंख्यक हिन्दूहरुको पूज्य जनावर हो । केही दिन अघि सुर्खेतमा दशौं गाईको भीरबाट लडाएर निर्ममहत्या भएको घटना सेलाउन नपाउँदै बाँकेको रनियापुरमा बुधबार गाई काटिएको छ ।

गाई काटेको अभियोगमा बाँके प्रहरीले तीन जनालाई पक्राउ गरेको छ । बाँकेको खजुरा ७ बठुवाको खेतमा बुधबार राती गाई काटेका तीन जनालाई ईलाका प्रहरी कार्यालय धनौलीले पक्राउ गरेको बाँके प्रहरी प्रमुख एसपी वीरबहादुर ओली बताउँछन् । पक्राउ पर्नेमा सल्मान खाँ, वर्षाती खाँ र सरिफ खाँ रहेका छन् । एसपी ओलीका अनुसार एक जना फरार रहेका छन् ।

राती गाई काटिरहेको भन्ने सूचना आएपछि धनौलीबाट प्रहरी टोली त्यसतर्फ गएको थियो । प्रहरी पुग्दा गाई काटेर घर–घरमा मासु लगिसकिएको ईलाका प्रहरी कार्यालय, धनौलीका प्रहरी निरीक्षक पोषण थपलिया बताउँछन् । तीन जनाको घरबाट मासु समेत बरामद गरिएको प्रहरी निरीक्षक थपलियाले बताए ।

तीन जनाको घरबाट ५० किलो गाईको मासु बरामद भएको बताउँदै घटनास्थलमा गाईको टाउको र खुट्टा फेला परेको प्रहरी निरीक्षक थपलियाले जानकारी दिए । निरीक्षक थपलियाले पक्राउ परेका तीनै जनाविरुद्ध गौहत्या अभियोगमा मुद्दा दायर गरिने बताए ।

फौजदारी संहिताको २०७४ को परिच्छेद २७ अनुसार कारबाही हुने प्रावधान छ । उक्त परिच्छेदमा गाई–गोरू मार्न वा कुट्न नहुने व्यवस्था गरेको छ । यदी कसैले गाई–गोरू मार्ने गरेमा वा कुनै नियतले चोट पु¥याउने काम गरेमा त्यस्तो कसुर गर्ने व्यक्तिलाई तीन वर्षसम्म कैद र अंगभंग पारेमा ६ महिनासम्म कैदको व्यवस्था छ । गाई–गोरुलाई चोट पु¥याएमा.५० हजारसम्म जरिवाना र हत्या गरेमा कैद सजाय र जरिवाना दुवै सजाय हुनसक्ने व्यवस्था छ ।

कानूनले गौ हत्या वर्जित गरिरहँदा पनि बाँकेमा निर्धक्क गाई–गोरु काटेर खाने गरेकाछन् । अझ यहाँबाट काटिएका गाई–गोरुको मासु पोखरा, काठमाण्डौ लगायतका विभिन्न होटलहरुमा समेत विक्रि गरिदै आएको यसअघिको प्रहरी अनुसन्धानबाट तथ्य बाहिरको थियो ।

प्रहरीसंग बाँकेमा गौ हत्या गर्ने र त्यसको मासु खाने स्थान र व्यक्तिहरुको सही सूचना भएता पनि कानूनको प्रभावकारी कार्यान्वय नहुँदा यस्ता घटना बेलाबखत बाहिरिने गरिरहेकोछ । गौ हत्याको सूचना सार्वजनिक भएसगैं यतिवेला सामाजिक सञ्जालमा प्रशासनको आलोचना बढ्नुका साथै गौहत्यामा संलग्न ब्यक्तिहरुलाई कारबाही सर्वस्व सहित जन्म कैद हुनुपर्ने माग समेत उठेकोछ ।