नेपालगन्ज: बाँकेको खजुरा गाउँपालिका वडा नम्वर ३ मा आईतबार दिउँसो मोटरसाइकल दुर्घटना हुँदा एकजनाको मृत्यु भएको छ ।

प्रदेश–३–२–००–११८५ नम्बरको मोटरसाइकल सडकको छेउमा रहेको बिद्युतको पोलमा ठोक्किदा दुर्घटना भएको प्रहरीले जनाएको छ ।

दुर्घटनामा परी खजुरा गाउँपालिका वडा नम्बर–४ का २४ वर्षिय कमल थापाको मृत्युु भएको जिल्ला प्रहरी कार्यालय बाँकेका प्रमुख प्रहरी उपरीक्षक वीर बहादुर ओलीले जानकारी दिए ।

मृतक थापा उक्त मोटरसाइकलको पछाडी बसेका थिए । मोटरसाइकल चालक खजुरा गाउँपालिका वडा नम्बर–४ का २३ बर्षिय आशिष थापा घाईते भएको र उनको नेपालगन्ज मेडिकल कलेज शिक्षण अस्पतालमा उपचार भएको एसपी ओलीले बताए ।