नेपालगन्ज: बाँकेको जमुनाहमा रूपैडिहाबाट ल्याउदै गरिएको अबैध कुखुरा प्रहरीले नियन्त्रणमा लिएको छ ।

नेपालगन्ज ल्याउदै गरेको अवस्थामा राष्ट्रिय अनुसन्धान प्रहरीको टोलीले एक सय १८ वटा कुखुरासहित उक्त कुखुरा ओसारपोसारमा प्रयोग गरिएको मोटरसाइकल समेत बरामद गरेको हो ।

यसरी बरामद गरिएका कुखुरा कारवाहीको लागि पशु क्वारेन्टाईनमा बुझाएको छ ।

बुधबार बिहान युपी ४० सी २२७२ नम्बरको हिरोहोण्डा मोटरसाईकलमा ल्याउदै गरेको भारतमा उत्पादित कुखुरा नियन्त्रणमा लिएको हो ।
साईगाउ क्षेत्रबाट कुखुरा लिएर मोटरसाईकल चलाएर आउने ब्यक्ति सादा पोषाकमा खटिएका राष्ट्रिय अनुसन्धानको टोलीलाई देखेपछि मोटरसाईकल छाडेर भागेका थिए ।