बर्दिया: जिल्ला प्रहरी कार्यालय बर्दियाले प्रतिबन्धित लागुऔषध सहित चारजनालाई पक्राउ गरेकोछ । प्रतिबन्धित लागुऔषध ब्राउन सुगरसहित बर्दियामा चारजनालाई पक्राउ गरि हिरासतमा राखिएको छ ।

जिल्ला प्रहरी कार्यालय बर्दियाले छुट्टाछुट्टै स्थानबाट चार जनालाई पक्राउ गरेको हो । बर्दिया गुलरिया नगरपालिका वडा नम्बर–५, का २७ बर्षीय रोजन पुरी, मधुवन–२, का दिनेश नेपाली, मधुवन–६, का २२ वर्षीय सन्तोष थापा र १९ वर्षीय खगेन्द्र शाहीलाई जिल्ला प्रहरी कार्यालय बर्दियाले पक्राउ गरिएको जिल्ला प्रहरी कार्यालय बर्दियाका प्रहरी उपरीक्षक राजेशनाथ बास्तोलाले जानकारी दिए ।

उनका अनुसार पक्राउ परेका रोजन पुरी र दिनेश नेपालीको साथबाट ५ पुडिया ब्राउन सुगर बरामद गरिएको छ, भने थापा र शाहीको साथबाट १० पुडिया ब्राउन सुगर बरामद गरिएको हो ।

लागु औषध सहित पक्राउ परेकाहरुलाई जिल्ला प्रहरी कार्याल बर्दियाको हिरासत राखेर अनुसन्धान थालिएकोछ । पक्राउ पर्नेहरु लागुऔषध प्रयोगकर्ता हुन वा कारोबारी अनुसन्धानबाट खुल्ने बर्दियाका प्रहरी उपरीक्षक राजेशनाथ बास्तोलाले बताउँछन् ।