कोहलपुर: कोहलपुर नगरपालिका वडा नम्बर–११, लोकनगरबाट ३ किलो ७ सय ३० ग्राम प्रतिबन्धित पाँच ओले जडीबुटीसहित तीन जना पक्राउ परेकाछन् ।

पाँच नम्बर प्रदेश प्रहरी कार्यालय अनुसन्धान ब्युरो दाङ र ईलाका प्रहरी कार्यालय कोहलपुरको संयुक्त टोलीले प्रतिबन्धित पाँच ओले जडीबुटीसहित उनीहरुलाई पक्रेको हो ।

कालीकोट पचाल झरना गाउँपालिका–५, का ४६ वर्षीय अग्र बम, जुम्लाको हिम गाउँपालिका वडा नम्बर–६, बस्ने ३६ वर्षीया हेम अधिकारी र कोहलपुर नगरपालिका वडा नम्बर–११, बस्ने ५४ वर्षीय विश्वबहादुर शाहीलाई प्रहरीले पक्राउ गरेको हो ।

प्रदेश प्रहरी ब्यूरो दाङ र ईलाका प्रहरी कार्यालय कोहलपुरबाट खटि गएको टोलीले शनिवार दिउँसो खानतलासी गर्दा उनीहरुको साथबाट उक्त परीमाणको प्रतिबन्धित जडीबुटी बरामद भएको प्रहरीले जनाएको छ ।

पक्राउ परेका तीनै जनालाई आवश्यक अनुसन्धानका लागि ईलाका प्रहरी कार्यालय कोहलपुरमा राखिएको कोहलपुर ईलाका प्रहरी कार्यालयका प्रहरी नयाब उपरीक्षक हेमबहादुर शाहीले बताए ।

पक्राउ परेकाहरु भरिया हुन वा प्रतिबन्धित जडीबुटी कारोबारीहुन अनुसन्धानबाट खुल्ने प्रहरी निरीक्षक शाही बताँछन् ।