नेपालगन्जः हतियारसहित पक्राउ परेका नेपाल तरुण दल नेपालगन्ज नगरसभापति संदिपजंग शाह कारागार चलान भएकाछन् । नेपाल तरुण दल नेपालगन्ज उपमहानगरपालिकाका नगर सभापति संदीपजङ्ग शाह पुर्पक्षका लागि कारागार चालन भएका हुन् ।

ईलाका प्रहरी कार्यालय कोहलपुरले हतियारसहित पक्राउ गरेको नगरसभापति शाहसहितलाई हात हतियार खरखजाना मुद्दामा पाँच वर्ष जेल सजाय मागसहितको शुक्रबार मुद्दा दर्ता गरेको थियो ।

जिल्ला अदालत बाँकले सोमबार शाहबिरुद्ध दर्ता भएको मुद्दामाथि थुनछेक बहस सकिएपछि शाहलाई पुर्पक्षका लागि थुनामा पठाउन आदेश दिएको हो । भने शाहसहित पक्राउ परेका माधव नेपाली, प्रितम थापा र यामबहादुर बुढामगरलाई भने धरौटीमा रिहा गर्न दालतले आदेश दिएको छ ।

जिल्ला प्रहरी कार्यालय बाँकेका प्रहरी प्रवक्ता प्रहरी नायब उपरीक्षक शिवबहादुर सिहंका अनुसार हतियार सहित पक्राउ परेका शाह पुर्पक्षका लागि कारागार चलान भएका हुन् । उनीसगैं पक्राउ परेका माधव नेपाली, प्रितम थापा र यामबहादुर बुढा पनि कारागार चलान भएकाछन् ।’

बाँके प्रहरी प्रवक्ता सिंहका अनुसार–‘सोमबार भएको अदालती कारबाहीमा शाहलाई पुर्पक्षका लागि कारागार चलान गरिएकोछ । उनीसंगै पक्राउ परेका माधव नेपाली, प्रितम थापा र यामबहादुर बुढालाई जनही १ लाख ५० हजार धरौटी माग गरिएकोले तत्काल बुझाउन नसक्दा कारागार चलान भएका हुन् ।’

शाहसंगै पक्राउ परेका माधव नेपाली, प्रितम थापा र यामबहादुर बुढाले जनही १ लाख ५० हजार बुझाए धरौटीमा छुट्ने बाँके प्रहरी प्रवक्ता सिंहले बताए ।

गत कार्तिक १४ गते राती साढे ८ बजे बाँकेको जानकी गाउँपालिका–६, स्थित गनापुरमा रहेको नमस्ते रिसोर्टबाट मेड इन युएसए लेखेको अटोमेटिक पेस्तोल र गोलीसहित उनीहरु पक्राउ परेका थिए ।

हतियार सहित पक्राउ परेका नेपालगन्ज नगर सभापति शाह सहितको रिहाइको माग गर्दै नेपाल तरुण दल आन्दोलोनमा उत्रिएको थियो । शान्तिपूर्ण आन्दोलन गरिरहेको नेपाल तरुण दल बाँकेले पछिल्लो समय आक्रामकरुपमा प्रस्तुत हुदैँ बाँके प्रहरी प्रशासनले ज्यादती गरेको भन्दै बाँके बन्द समेत ग¥यो ।

हतियारसहित पक्राउ परेका नगरसभापति शाह सहितकोलाई सोमबार अदालतले गरेको आदेशप्रति नेपाल तरुण दल बाँकेले आफ्नो गम्भीर ध्यानाकर्षण भएको जनाएकोछ ।

नेपाल तरुण दल बाँकेका सभापती विरेन्द्र बहादुर शाहले आफ्ना नेता कार्यकर्तामाथि प्रहरी प्रशासनले नियोजितरुपमा प्रहार गरेको छ । उनले भने प्रहरी प्रशासनको कार्यप्रति हाम्रो शंका छ । भोली(मङ्गलबार) नेपाली काँग्रेस बाँकेले बैठकबाट आगामी रणनिति तय गर्नेछ ।