नेपालगन्ज: लागुऔषध ब्राउनसुगरसहित एकजनालाई नियन्त्रणमा लिइएकोछ । ईलाका प्रहरी कार्यालय जमुनाह र लागुऔषध नियन्त्रण ब्यूरोको संयुक्त टोलीले लागुऔषध ब्राउनसुगरसहित बाँके राप्ती सोनारी गाँउपालिकाका रुद्र शाहलाई नियन्त्रणमा लिएको हो ।

नेपाल–भारतसीमामा नियमित चेकजाँच गर्ने क्रममा शनिबार दिउँसो साढे दुई बजे राप्ती सोनारी वडा नम्बर ९, कचनापुर बस्ने २५ वर्षीय शाहले बाँयाँ खुट्टाको जुत्ताभित्र लुकाई छिपाई ल्याएको ९ ग्राम ब्राउनसुगर बरामद गरेकोछ ।

पक्राउ परेको शाहलाई प्रहरी नियन्त्रणमा राखी थप अनुसन्धान भइरहेको जिल्ला प्रहरी कार्यालय बाँकेले जनाएको छ ।