मोरङ: सडक निर्माणका लागि राखिएका तीनवटा स्काभेटररमा अज्ञात समुहले बम विस्फोट गराएकाछन् ।

मोरङको उत्तरपूर्वी क्षेत्रमा रहेको मिक्लाजुङ गाउँपालिका स्थित रमितेमा सडक निर्माणका लागि राखिएको स्काभेटरमा आईतबार राती अज्ञात समूहले बम बिस्फोट गराएका हुन ।

आईतबार राती करिब ९ बजेको समयमा उर्लाबारीको किसानचोक–रमिते सडक निर्माणका लागि सडक छेउ राखिएको स्काभेटरमा बम बिस्फोट भएको मिक्लाजुङ गाउँपालिका वडा नम्बर १ का वडा अध्यक्ष नरबहादुर राईले बताए ।

सो बिस्फोटको हालसम्म कसैले जिम्मेवारी लिएका छैनन् । यद्यपि भूमिगत नेत्रविक्रम चन्द विप्लव समूहको नेकपाले बिस्फोट गराएको आशंका भने गरिएको छ । हाल घटनास्थलमा उर्लाबारीस्थित इलाका प्रहरी कार्याल्यबाट प्रहरीको टोली पुगी अनुसन्धान अघि बढाएकोछ ।

आईतबार राति बिस्फोट भएको क्षेत्रमा सोमबार बिहान बम फेला परेपछि स्थानीय त्रसित बनेकाछन् ।