दाङ: दाङमा कर्तव्य ज्यान मुद्दामा फरार अभियुक्त २५ वर्षपछि पक्राउ परेका छन् ।

पक्राउ पर्नेमा दाङ तुलसीपुर नगरपालिका वडा नम्बर–११, कटाहा निवासी ५१ वर्षीय नीमबहादुर पाण्डे रहेको ईलाका प्रहरी कार्यालय तुलसीपुरले जानाएको छ ।

दाङ देउखुरी जिल्ला अदालतले २०५१ जेष्ठ १८ गते उनीविरुद्ध कर्तव्य ज्यान मुद्दामा ५ वर्ष कैद फैसला गरेको थियो । अदालतले दोषी ठहर गर्दै कैद सजाय फैसला गरेदेखि उनी फरार रहँदै आएका थिए ।

लुकीछिपी बसेको अवस्थामा मङ्गलबार बिहान तुलसीपुर बजार क्षेत्रबाट उनलाई पक्राउ गरिएको हो । कैद भुक्तानका लागि उनलाई अदालत उपस्थित गराइने प्रहरीले बताएको छ ।