नेपालगन्ज : बाँके डुडुवा गाउँपालिका वडा नम्बर ५ बस्ने अरुण यादवलाई बाँके प्रहरीले पक्राउ गरेकोछ ।

जेठ १४ गते डुडुवा गाउँपालिका वडा नम्बर ४ खालेमसाह बस्ने ८५ वर्षिय बृद्धलाई यादव सवार भे९प ९२२६ को मोटरसाईकलले ठक्कर दिएको थियो ।

मोटरसाईकल ठक्करबाट घाईते बृद्ध नायब खाँको उपचारका क्रममा जेठ १५ गते मृत्यु भएको थियो । घटना लगत्तै फरार रहेका यादवलाई पक्राउ गर्न उनीमाथि सवारी ज्यान मुद्दा दर्ता गरिएको थियो ।

१९ वर्षिय यादव सवारी ज्यान मुद्दामा फरार रहेका थिए । सोमबार उनलाई नियन्त्रणमा लिइएको बाँके प्रहरी प्रवक्ता एवम प्रहरी नायब उपरीक्षक सुवास खड्काले जानकारी दिए ।

उनले यादवलाई हिरासतमा राखी उनीमा थप अनुसन्धान भइरहेको बताए । बाँके प्रहरीले पछिल्लो समय विभिन्न अपराध गरेर फरार रहेका अपराधी तथा प्रतिबादीहरुलाई खोजीखोजी पक्राउ गरिरहेको छ ।

बाँके प्रहरीले जिल्लामा अपराध तथा अपराधमा संलग्नहरुको सूची नै तयार पारी उनीहरुको खोजीका लागि विशेष सुरक्षा टोली समेत खटाएकोछ ।