काठमाडौं : नेकपा अध्यक्ष पुष्पकमल दाहाल ‘प्रचण्ड’–वरिष्ठ नेता माधवकुमार नेपाल पक्षधरको स्थायी कमिटी बैठक शुरु भएको छ ।

बबरमहलस्थित कार्की व्यांक्वेटमा जारी बैठकको अध्यक्षता प्रचण्डले गरेका छन् ।

बैठकको पहिलो एजेण्डामा छलफल हुदाँ सत्तारुढ नेपाल कम्युनिस्ट पार्टी (नेकपा) को प्रचण्ड–माधव नेपाल समूहको स्थायी कमिटीले अध्यक्ष केपी शर्मा ओलीलाई कारबाही गर्ने निर्णय गरेको छ ।

बैठकले प्रधानमन्त्री समेत रहेका ओलीलाई कारबाही गर्दै वरिष्ठ नेता माधवकुमार नेपाललाई अध्यक्ष बनाउने निर्णय गरेको छ ।

यसअघि नेकपा ओली समूहले आफूहरु नै वैधानिक भएको दाबी गर्दै पार्टीको महाधिवेशन आगामी वर्ष मंसिर २ मा गर्ने निर्णय गरिसकेकोछ ।

नेकपा ओली समूहको बैठकले प्रचण्ड–माधव नेपाल समूहको बैठक आधिकारिक नहुने दावि समेत गरेकोछ ।