काठमाण्डौं: मंगलबार बसेको मन्त्रिपरिषद् बैठकले नेत्रविक्रम चन्द विप्लव नेतृत्वको नेकपामाथि कुनै पनि गतिविधि गर्न नपाउने गरी प्रतिबन्ध लगाएको छ ।

सरकारले विप्लव समूह आपराधिक संगठन भएको निष्कर्ष निकाल्लै प्रतिबन्ध लगाउने निर्णय गरेको हो ।  मंगलबार बसेको मन्त्रिपरिषद् बैठकले निर्णय गरेको क्याबिनेट श्रोतले भन्यो, ‘संविधानमा नै हातहतियार लिएर अपराधिक गतिविधि गर्न नपाउने उल्लेख भएकोले संविधान बमोजिम नै निर्णय गरिएको छ । कसैले पनि शान्ति भड्काउने गतिविधि गर्न पाउँदैन् ।’

बैठकमा गृहमन्त्री बादलले सांसद सोमप्रसाद पाण्डे नेतृत्वको वार्ता समितिले वार्तामा ल्याउन गरेको प्रयास, विप्लव समूहका पछिल्ला गतिविधि, एनसेललगायतका स्थानमा भएको बम विस्फोट र चन्दा आतंकबारे व्रिफिङ गरेका थिए । राज्यले पटक–पटक वार्तामा बोलाउँदा समेत नआएपछि सरकारले अपराधिक गतिविधिमा रोक लगाउनु परेको बताइएको छ ।

विप्लव समूहले आपराधिक कृयाकलाप गरेको, विकासका पूर्वाधारमाथि बम विस्फोट गराउने र व्यक्तिको शान्ति सुरक्षामथि आक्रमण गर्ने कार्य गरेकोभन्दै सरकार आक्रामक रुपमा प्रस्तुत भएको बताइएको छ ।