नेपालगन्ज ५ माघ : प्रतिनिधिसभा विघटनविरुद्धको रिटमाथि यतिबेला संवैधानिक ईजलासमा सुनुवाइ जारी छ ।
संवैधानिक ईजलासमा प्रतिनिधिसभा विघटनविरुद्ध परेको १३ वटा रिट विचाराधीन छ । तर, प्रतिनिधिसभा विघटनविरुद्ध रिट निवेदककातर्फबाट बहस गर्न १८८ अधिवक्ताले वकालतनामा भरेको सर्वोच्च अदालतका सहप्रवक्ता देवेन्द्र ढकालले जानकारी दिए ।
आईतबार अधिवक्ता भीमार्जुन आचार्य र सुनीलकुमार पोख्रेलले बहस गरेका थिए भने आज दोस्रो दिन अहिले दीनमणि पोख्रेलले बहस गरिरहेका छन् । पुस ५ गते प्रतिनिधिसभा विघटन भएको थियो ।